Живот на маргините – мајка со тежок инвалидитет и 25 – годишна ќерка на работ на егзистенција

од Биљана Јовановска 0

ее

Прилепчанката Атина има само 48 години, а веќе 8 години не ја видела виделината на денот, ниту пак  излегла на улица. Таа е тежок инвалид со две ампутирани нозе.

Нејзиното очајно секојдневие се одвива во неколуте квадрати изнајмен простор кој личи на се, само не на пристојно место за живеење, бидејќи таа тука и јаде, и спие, а и ги изврешува физиолошките потреби.

Атина живее со својата 25-годишна ќерка, без чија помош, како што раскажува самата, нејзиниот живот би бил невозможен. Вели, најмногу и е жал за девојката, која е невработена, но, немоќна е било што да промени, заради што и смета дека во моментов помошта од сите хумани луѓе им е повеќе од потребна.

Државата се оддолжува со овие две жени, односно, редовно го добиваат она што им следува, но, Атина вели дека тоа е премалку, бидејќи ним се им недостасува: и дом, и храна, и облека, а немаат ниту инвалидска количка, што дополнително им ја отежнува и онака очајна состојба.

Со искрена надеж дека хуманите луѓе ќе им излезат во пресрет на овие две очајни жени и ќе им помогнат со: храна, облека, стан или, пак со вработување за ќерката Серџан, ги оставивме со голема љубов да ги хранат двете кучиња, кои во изминатите осум години се најголемата утеха на  Атина.

Кликни на било кој од предлозиве и ќе се тргнат :)
error: Content is protected !!