Заев: Кафе и средби и со лидерот на опозицијата, но секој треба да одговара за стореното

од Биљана Јовановска 0

zaev-24-vesti1-1170x742

Премиерот Зоран Заев вети борба со корупцијата. Новите министри имаат 100 пријави против претходниците, што значи тој што се огрешил по закон мора да одговара и тие нема да бидат исти.

„Охрабрувам директно кај мене, кај генералниот секретар и кај граѓанските организации, чинителите во правосудниот систем да пријават доколку некој врши притисок врз правосудството“, побара Заев.

Тој нема предрасуди и како што рече секогаш ќе пофали она што е добро.

„Има квалитени кадри од политичкиот опонент и тие добри професионалци треба да се искористат. Но сакам да дадам шанса и на други професионалци. Апсењето не е работа на извршната власт, тоа е работа на правосудството. Со секој би пиел кафе и би разговарал и со лидерот на опозицијата за доброто на Македонија. Дијалог мора да постои, но секој да одговара за стореното“, рече Заев во емисијата „Отворено“.

Кликни на било кој од предлозиве и ќе се тргнат :)
error: Content is protected !!