Нова трагедија во руската дипломатија: Конзулот во Атина пронајден мртов

од Биљана Јовановска 0

profimedia-0245226364-620x350-97652

Амбасадата на Русија во Грција соопшти дека нивниот конзул во оваа земја Андреј Меланин починал во својот стан во центарот на Атина.

Како што се наведува, конзулот не се појавил утрово на работа и не одговарал на повиците, пренесува весникот „Прото тема“.

Полицијата во придружба на негови колеги дошла во станот и ја искршила вратата која била заклучена од внатре.

Моментално се води истрага за причината за смртта на конзулот. Според прелиминарните информации од полицијата, конзулот починал од природна смрт.

Меланин имал 55 години.